DAVAO CITY- Nagpasidaan ang Davao City Water District nga ang nasinatian sa tibuok Toril Public Market nga emergency water service interruption sukad kaganihang alas dose singkwentay singko sa kadlawon sa ang mahitungod sa pag-ayo sa mi-leak nga linya sa maong palengke.
Sumala pa sa maong buhatan nga kinahanglan nilang palungon ang mainline aron mafacilitate ang maong pag-ayo niini.
Dugang pa sa maong buhatan nga mamahimong sayo mabalik ang tubig ug dali lamang usab matapos ang maong pagrepair niini apan mamahimo pud kining madugay og adunay makit-ang problema samtang kini ang gi-ayo.
Nagpahibalo usab ang DCWD nga aduna silay pagabuhatong line flushing human nga makompleto ang maong pag-ayo niini.
Nagpahimangno usab ang maong buhatan nga magtipig og limpyong tubig ug sirad-an gayud ang mga container nga pagaga,iton alang sa emerhensiya.
Alang sa mga adunay pangutana mahitungod sa serbisyo sa tubig mamahimo gayud sila nga mocontact sa 24 oras nga hotline number sa DCWD nga 224-6767 o di kaha magpadala ug mensahe sa text support nga 0927-798-8966, o di kaha sa numero nga 0908-441-0653 o sa numero nga 0925-511-3293.
via // DMA
