DAVAO CITY- Giklaro ni Puwersa ng Bayaning Atleta kon PBA Partylist Representative Atty. Margarita “Migs” Nograles nga walay isyu tali kaniya ug sa mga Duterte, gani gipasiugda pa niini ang pagka-amigo nila.
Sigon pa ni Nograles nga adunay pipila ka mga indibidual ang nasobraan ra sa pagkaconcern apan naglaum kini siya sa panaghiusa sa mga idibidual alang sa makaayo sa syudad sa Dabaw.
Kahinumdumang niadtong Enero 28, 2024 atol sa Hakbang ng Maisug prayer rally, giakusahan ni Davao City First District Representative Paolo “Pulong” Duterte si Atty. Migs nga maoy nagpaluyo sa people’s initiative for charter change ug matud pa adunay plano nga aksyon si Nograles aron makataktak sa pwesto si Pulong Duterte.
Tungod niini adunay mga nanggawas nga hungihong mahitungod sa potensyal nga kandidatura niini isip Mayor sa Davao City, apan pagklaro niini nga wala kini intensyon nga modagan isip Mayor sa syudad.
