DAVAO REGION- Gibutyag sa Land Transportation Office, Philippine Ports Authority ug Land Transportation Franchising and Regulatory Board -XI nga anaa na sila sa pag digitalized sa ilahang tagsa-tagsa ka mga ahensya.
Pagbutyag ni Nonito Llanos III, Director sa LTFRB XI nga kasamtangang anaa na sila sa proseso sa modernization. Sumala pa nga dili lamang pag modernize sa flex sa motorcycle vehicles apan tumong usab sa ilahang buhatan nga ma modernize usab ang panghuna-huna sa mga dabawenyo gumikan parti na usab kini sailahang modernization program.
Gitataw usab sa opisyal nga dako ang kumpyansa niini na og fully ma implement na ang transport modernization project, makabaton gayud ang katawhan og maayong transportasyon sa dakbayan, inubanan na usab sa suporta sa operatiba og publiko.
Samtang sa pikas bahin, gikanayon ni LTO XI Regional Director Eleanor Calderon nga ilahang ginapakusgan ang pag implementar sa mga kasamtangan balaod.
Sumala pa nga padayon usab ang ilahang pag-edukar sa mga motorista pinaagi sa pagpailawm niini sa comprehensive driving education, online examination, ug girequire usab sa maong buhatan ang theoretical driving course alang sa mga Student Permit applicants.
Sa bahin usab sa Philippine Ports Authority -XIm gikanayon ni Port Manager Analee Aguilar nga anaa usab sila sa pag modernize sa terminal buildings ug pantalan susama na lamang sa pantalan sa Babac Samal Island, Malalag Port nga nanginahanglan og expansion ug restoration nga kasamtangan ng giaksyunan.
Gani kining modernization program sa maong mga ahensya alayon kini sa mandato sa kasamtangang administration nga modernization program.
via/ DMA
