DAVAO CITY- Angol ang drayber sa motorsiklo human nga nabangga sa Taxi pasado alas onsi ang takna sa gabii,kagahapong adlawa.
Subay sa report sa kpaulisan, giila ang biktima nga si Wesly Millan 29-anyos ga residente sa Shrine Hills, Brgy. Matina Crossning syudad sa Davao nga nagmaneho sa iyahang Suzuki raider nga motorsiklo, samtang ang drayber sa Taxi naila nga si Alfredo Macono 44-anyos, minyu ug residente sa San Isisdro Bunawan ning dakbayan.
Sa gihimong imbistigasyon sa kapulisan, ang duha ka sakyanan ang nagbyahe sa dalang Bangkal ning syudad kung diin ang Taxi ang gikan sa Mc-Arthur Highway ug padulong Bangkal Central Park samtang ang motor ang gikan sa Union Avenue padulong sab sa Bangkal.
Subay sa mga nakasaksi sa maong panghitabo nga nabanggaan ang motor nga gisakyan sa biktima tungod wala nabantayan sa drayber sa Taxi ang pagliko sa drayber sa wala nga hinungdan sa pagkabangga sa niini sa atubangan nga portion sa pampasaheroang sakyanan.
Tungod sa maong panghitabo nakahiagom ug bun-og ug pangus sa kalawasan ang drayber sa Motorsiklo nga dali sab kining gidala sa Central 911 aron nga matambalan.
Nakaangkon sab ug danyos ang motor niini ug ingon man ang Taxi.
Nasayran nga nakainom ang drayber sa mptorsiklo.
Sa karon padayon pa nga ginaobserbahan sa mga doktor ang dryaber sa motor samntang anaa na sa kostudiya sa Talomo PNP ang drayber sa Taxi ug mga nalambigit nga sakyanan sa disgrasya nga posibling mag-atubang ug kaso nga Reckless Imprudence nga miresulta sa Physical Injury ug Damaged to Property.
