DAVAO CITY- Mokabat sa kinatibuk-an nga Php 2,267,910 nga kantidad sa mga penalty gikan sa mga masinupakon sa balaod trapiko dinhi sa dakbayan.
Subay sa datos nga gipaguwa sa Davao City Police Office-Tarffic Enforcement Unit adunay 380 ka mga operasyon ang ilahang gilusad kabahin sa pagpatuman sa RA 4136 nga miresulta sa pag-isyu ug 287 Temporary Operator’s Permits ug ang pagkolekta sa penalty nga mokabat sa Php 656,810.
Samtang sa pagpatuman sab sa ordinansa sa syudad kabahin sa Bora-Bora kabahin sa samok nga motorsiklo ang otoridad adunay na-isyu nga 19 ka citation tickets nga nagkantidad sa Php 8,300.00 Php 40,000 alang sa pag-isyu sa TOP.
Samtang sa pagpatuman sab sa City Ordinance 0334-12 miresulta sab kini sa 645 ka mga operations ug pag-isyu sa 2,279 ka mga Citation Tickets, ug adunay kinatibuk-an nga nakolekta nga penalty nga mokabat sa Php 991,300.
Ilawom sab sa City 0rdinance 270-23, series of 2023 kon (Speed Limit Ordinance), adunay 507 ang nadakpan ug issuances sa CTCs nga gipahigayon nga nagkantidad ug Php 507,000.
Dugang sa gipatuman nga balaod sa syudad ang kabahin sa “No Helmet, No Travel” policy operation nga miresulta sa 111 ka mga pagpanakop ug pag-isyu sa CTCs nga sa kinatibuk-an anaa sa Php 55,500.
Samtang ang “No Plate, No Travel” operation mihatod ngadto sa pagkasikop sa 19 ka mga nakasupak sa balaod ug pag-isyu sa CTCs, nga sa kinatibuk-an nga nagkantidad kini ug Php 9,000.
Gumikan niini giawhag sa DCPO ang tanang motorista nga morespeto ug tamdan ang lokal ug nasudnong balaod sa trapiko aron nga malikay sa kalangan ug disgrasya.
Gipaklaro sa kapulisan nga ang pag-isyu ug TOPs ug Citation Tickets sa tanang masibupakon sa balaod mao ang pruyba nga aduna pa gihapo’y mga indibidwal nga wala motuman sa balaod trapiko samtang anaa kini sa mga kadalanan.
