DAVAO CITY- Mipadayag sa iyang suporta si Davao City Mayor Sebastian Duterte sa napalagpot nga Mindanao Development Authority (MinDA) Chairperson, Maria Belen Acosta, kinsa gipulihan ni Leo Tereso Magno niadtong Mayo 21.
Gikondena sa mga kritiko ang Malacañang tungod sa kakuwang niini sa transparency ug sa kalibog nga naglibot sa pagpatangtang kang Acosta, nga nangatarungan nga nagdaot ang termination sa fairness ug due process.
Sumala sa mayor, nagsilbi nga dedikado nga lider si Acosta, ug dako usab ang natampo sa hiniusang kalamboan sa Mindanao.
Gihatagan og gibug-aton ni Duterte ang iyang panaghiusa kang Secretary Acosta, nga nag-ingon nga mahinungdanon ang pagpanalipod sa integridad ug reputasyon sa MinDA ug pagsiguro nga ang mga operasyon niini magpadayon nga hapsay ug epektibo.
Nanawagan siya sa mga kaubang alagad sa publiko ug sa katawhang Pilipino nga maghiusa sa pagbarog sa pagpasiugda sa sistema nga nagpasidungog ug nagbayaw sa mga dedikado nga indibidwal sama ni Secretary Acosta.
Ang Republic Act 9996 naghisgut og six-year term apan wala magbutang ug fixed nga termino.
Unang gipamahayag ni Executive Secretary Lucas P. Bersamin nga gitaktak si Acosta tungod sa “loss of trust and confidence.” Giawhag ni Duterte ang katawhang Pilipino nga aktibong motrabaho ngadto sa kultura nga nag-ila sa ilang bililhong kontribusyon ug dili mokonsentir sa mga aksyon gikan sa mas taas nga awtoridad nga makadaut sa integridad ug dignidad sa serbisyo publiko.
