DAVAO CITY- Gipasalig ni CTTMO Head Dionisio Abude nga ang mga apektadong vendors ang ipangbalhin.
Nasayran nga adunay kinatibuk-an nga 406 ka mga available slots sa Bankerohan nga nahimutang sa Bankerohan Farmers Market Center, BFMC annex, Fruitasan Mo, Mallengke, Rasay Pavillion ug ang Parking Larayan, MFish, Micro, Cloverleaf, Esmar Posadas Realty Corporation, ug lakip na ang ikaduhang andana sa main market building.
Gibutyag sa ni Abude mao sab kini ang tumong ug tinguha sa bag-ong traffic scheme ang pagpatuman sa 1/3, 2/3 policy kung diin 1/3 ang alang sa mga vendor, samtang two-thirds alang sa mga tawo.
Lakip sa mga apektadong tindahan mao ang anaa sa Posadas Street nga kini ipangbalhin sa ikaduhang andana sa wet market. Gidugang pa ni Abude nga ang Posadas Street ang pagagamiton isip pay parking alang sa four-wheel vehicles ug mga motorsiklo. Ang bag-ong traffic usab ang nagtumong sa pagkunhod sa mga ruta alang sa mga pedicabs ug mga trisikads.
Kahinumduman nga una ng gipangunahan ni City Transport and Traffic Management Office (CTTMO) chief Dionisio Abude ang clearing operation sa mga kadalanan sa Bankerohan Public Market kagahapong adlawa alang sa pagpangandam sa bag-ong traffic scheme nga magsugod karong Hunyo uno.
Sumala pa sa opisyal nga pinaagi sa pagtinabangay uban ang City Economic Enterprise ug Ancillary Services Unit (ASU), ang CTTMO nakaangkon ug mga solution alang sa hapsay nga pagpamalengke, ingon man sa pag-agi sa mga public utility vehicles, ug private vehicles sa Bankerohan Public Market.
via// DMA
