Nakurat ang mga dabawenyo sa kalit nga pagrelieve kay Police Colonel Richard Bad-ang isip Davao City Police Director.
Kalabot niini giklaro ni Police Major Catherine del Ray, tigpamaba sa Police Regional Office kon PRO XI nga ang pagtanggal kay Bad-ang ang matud pa base sa rekomendasyon sa Regional Internal Affiars XI nga giaprubahan usab ni PRO XI Regional Director Brigadier General Aligre Lamsen Martinez.
Matud pa nga aduna kini kalabutan sa gibuhat nga motu proprio investigation sa RIAS XI mahitungod sa nahitabong war on drugs sa syudad, partikular sa pito ka mga drug suspect nga nakabsan atol sa gimugnang buy bust operation gikan March 23 hangtod March 26, 2024.
Kahinumdman nga unang milingkod isip DCPO Director si Bad-ang niadtong March 22, 2024 kung diin nagbahad kini og war on drugs sa mga nalambigit sa mga illegal nga druga sa dakbayan sa Dabaw.
Kasamtangang mihulip sa pwesto ni Bad-ang si Police COlonel Rolindo Saguilon, ang deputy regional director for operations sa PRO XI. Gisuguro usab ni Dela Ray nga makabalik sa pwesto si Bad-ang human sa maong imbestigasyon apan dili pa niini maingon og unsa ka dugay ang mahimong imbestigasyon.
via// DMA
