DAVAO CITY – Namahayag ang pamunuan sa Sta. Ana National High School mahitungod sa pagkakuyapan sa mga estudyante gikan sa Special Program for the Arts niadtong Mayo 20 sa gabii sa CAP Auditorium sa may Anda ning dakbayan.
Nasayran nga nagpahigayon og technical rehersal ang mga myembro sa performers gikan Grade 7 alang sa ilahang recital nga nahitabo kagahapon.
Apan tungod sa kaigang sa palibot, naluya ang mga performers ug pipila kanila ang gipangkuyapan ug giatake og anxiety.
Sumala sa nga walay maayong bentilasyon ang lugar diin gilusad ang ilahang event.
Sa habig sab sa tigdumala sa auditorium, gikanayon nila nga giparentahan nila sa tulunghaan ang maong pasilidad.
Apan dunay bayad kon mugamit og aircon ang mga estudyante.
Sa pagkakaron, luwas na ug anaa sa maayong kahimtang ang walo ka mga estudyante ug naka-perform sab kini sa maong pasundayag.
Gikanayon ni Willy Rosal, ang principal sa tulunghaan nga kasagaran kanila ang walay igong tulog ug kaon gumikan sa kahinam nga mag-perform sa labing unang higayon.
Gipasalig sab sa pamunuan nga dunay nag-stand by nga team panahon sa mga untoward incidents atol sa kalilhukan.
Nagpahimangno ang principal ngadto sa mga estudyante nga maggahin og panahon alang sa pagpahulay ingon man pagkaon og sakto isip pagpangandam sa mga aktibidad isip magtutungha.
via || Bombo LJF
