DAVAO ORIENTAL- Nagkauyon sa pagpromotar sa turismo sa probinsya sa Davao Oriental kauban ang travel and tour agencies nga tumong mapalambo ang turismo sa probinsya.
Kini ang gipahigayon nga panagtigom alang sa tumong ug tinguha nga mamahimong nag-unang distinasyon ang probinsya sa Davao Oriental alang sa mga turista lokal man o mga anaa sa langyaw nga kanasuran.
Gipangunahan ang maong tigom sa Department of Tourism-Davao Region pinaagi sa Provincial Tourism Office ug Local Government Units (LGUs) sa Davao Oriental.
Adunay traynta ka mga bisita gikan sa Philippine Travel Agencies Association (PTAA) alang sa familiarization tour sa probinsiya nga gipahigayon niadtong Mayo 16-19, 2024.
Atol sa familiarization tour, ang mga bisita gikan sa PTAA nakahigayon nga makasinati mismo sa init nga pagtagad ug pagdawat sa mga Dabawenyo sa nasampit nga probinsya, mitilaw sa mga lamian nga lokal nga mga pagkaon ug delicacies, ingon man nasinati niini ang mga maanindot nga mga talan-awon, mga kultura nga kabilin, ug talagsaon nga mga atraksyon samtang sila naglibot sa mga destinasyon nga kinahanglang masaksihan ug mabisita sa maong probinsya.
Usa sa mga iladong destinasyon nga nabisitahan sa traynta ka mga indibidwal mao ang Mt. Hamiguitan Range Wildlife Sanctuary sa munisiplaidad sa San Isidro,ang karaang San Salvador Church ug Mandaya Heritage Museum (Pusan Point) sa Caraga, Aliwagwag Falls ug Costa Celine Beach Resort sa Cateel
Pujada Island, Dahican Beach, Don Paco Rocamora Golf and Country Club, ug Subangan Museum sa Siyudad sa Mati.
Gihatagan og gibug-aton sa gobernador ang kamahinungdanon sa pakigtambayayong sa mga kauban sa industriya aron madani ang daghang mga turista sa pagbisita mga maanyag nga mga talan-awon sa Davao Oriental.
via// DMA
