DAVAO CITY – Nagtuo ang 10th Infantry Division sa Philippine Army nga nagkahinay na ang pwersa sa mga rebeldeng grupo gumikan sa pagpatuman sa programa ilawom sa National Task Force to End Local Communist Armed Conflict kon NTF-ELCAC ug mga kaalyadong local goverment units aron pakigbatukan ang armed conflict sa rehiyon.
Gipamulong ni Maj. Mark Anthony Tito, ang tigpamaba sa 10ID, ang deklarasyon sa insurgent-free sa rehiyon ang bunga sa pagpatuman sa whole of nation approach sa ahensya ug pakig-alayon sa militar, ubang ahensya sa gobyerno, LGUs ug ang katawhan sa mga kanhi kuta sa mga rebelde.
Dugang pa nga bisan pa man taas pa ang mamahimong latason sa pag-angkon og tinuuray nga kalinaw, komitido ug sinsero gihapon ang gobyerno sa pagpadayon sa peace talks tali rebeldeng grupo.
Sumala pa ni Major Tito, sukad sa pagpatuman sa Executiver Order 70 ni kanhi Pangulong Rodrigo Duterte niadtong 2018, nahimong epektibo ang gipatumang whole of nation approach sa gobyerno, butang sa pagkab-ot sa layo sa insurhensiya nga rehiyon.
Kahinumduman nga niadtong 2022 o lapas usa ka tuig na ang nilabay dihang gideklara sa Regional Peace and Order Council-11 ang Davao Region human ang malampusong pagpuhag sa mga remnants sa New People’s Army sa rehiyon.
via || Bombo LJF
