DAVAO CITY – Gihanyag karon sa Mayor sa San Isidro, Davao del Norte nga si Mayor Silvano Gaje ang P200,000 nga reward money alang sa makatudlo sa mga responsable sa kamatayon sa bag-ong halal nga kagawad sa Barangay Sawata, San Isidro, Davao del Norte nga si Jay Glen De Rama.
Samtang nagpadayon ang gimuntar nga SITG inubanan sa San Isidro Municipal Police sa pagpanubay sa maong kaso.
Sumala pa, adunay gitudlo nga tulo ka persons of interest ang kapulisan nga gituohang nalambigit sa krimen.
Gipunting sab nga usa sa anggulong gitutukan sa krimen ang personal nga pagdumot ngadto sa biktima kansang napusil patay niadtong Nobyembre 14 sa buntag sulod mismo sa gi-manage nga tindahan.
Dugang pa nga blanko ang mga pamilya ug kabanay ni De Rama sa pagtudlo sa mga responsable gumikan kay walay kaaway sa pulitika ang biktima.
via || Bombo LJF
