DAVAO CITY – Hingpit nang nagpahimangno ngadto sa publiko ang Securities and Exchange Commission batok sa pag-apil sa BAGONG BANSANG MAHARLIKA INTERNATIONAL INC (BBMII) nga gituohang nag-operate karon sa pipila ka bahin sa Davao Region, SOCCSKSARGEN, Cotabato City ug sa mga probinsya sa Maguindanao.
Nagtanyag ang maong grupo og mga serbisyo ug mga benepisyo ngadto sa mga myembro sama sa food security, medical services, livelihood, libreng edukasyon, ug cash assistance alang sa senior citizens 50 ug pataas.
Kinahanglan lamang nga mubayad og usa ka gatus ka pesos aron maisyuhan og idenitification card alang sa pagpamyembro niini.
Gikabutyag sa ahensya nga bisan pa man sa pagkarehstrado niini sa SEC, nasayran sa Enforcement and Investor Protection Department kon EIPD sa ahensya nga walay balido nga rehistrasyon o lisensya sa pag-operate gikan sa Department of Social Welfare and Development (DSWD).
Unang narehistro ang BBM niadtong Marso 18, 2023, apan gidid-an ang grupo sa pag-solicit ug kwartang pamuhunan.
Giawhag sa EIPD ang publiko nga dili mabiktima sa mga laraw nga gitanyag sa mga indibidwal o entidad nga nagrepresentar sa BBMII o non-stock nga mga organisasyon nga nakigbahin sa parehas nga mga kalihokan.
Una nang gipahimangnoan ni Department of Interior and Local Government (DILG) 11 director Alex Roldan ang publiko batok sa BBMII isip investment scam.
via || Bombo LJF
