DAVAO CITY – Kumpiskado sa mga sakop sa Philippine Drug Enforcement Agency 11, NBI, PNP Drug Enforcement Group 11 ug Davao City Police Office ang anaa sa P4.8 million nga kantidad sa pinaugang dahon sa marijuana atol sa nahitabong managlahing operasyon kagahapon, Hulyo 25.
Unang nakuha bandang alas-12:30 sa kaadlawon ang 10 ka kilo sa marijuana nga nagkantidad og P1.080 million gikan kang Jenboy Remulta, 21 anyos.
Samtang laing 10 ka kilo sa marijuana ang nasignit gikan kang John Carlo Tagalog, 28 anyos, sa may Old Airport Road, Sasa bandang alas 12:58 sa kaadlawon.
Nakuha sab og apil ang buy-bust money, ug motorsiklong gigamit sa transaksyon.
Ulahing nadakpan ang 18 anyos nga si Joniel Ingkong sa Barangay Pampanga nga nakuhaan og 18 kilos sa susamang kontrabando nga nagkantidad og P2.1 million.
Pulos landig sa selda ang tulo ka mga dinakpan nga mag-atubang og kasong paglapas sa Republic Act 9165 kon Comprehensive Dangerous Drugs Act of 2002.
via || Bombo LJF
