DAVAO CITY – Kabsan sa kinabuhi ang usa ka drayber sa pedicab human sa pagsukol niini sa mga otoridad atol sa gipahigayong buy-bust operation sa Barangay Bato, Toril, Davao City, kagahapon sa hapon.
Giila sa Toril Police ang suspek nga si alyas Abdul, 29 anyos, taga Barangay Lubogan, Toril, ning dakbayan.
Target sa kapulisan ang maong suspek nga malampusong napalitan og ilegal nga droga apan nakamatikod ang suspek nga pulis diay ang iyang nakatransaksiyon maong mihulbot kini sa iyahang pistola ug namusil.
Nakabawos sab ang mga otoridad pinaagi sa pagpusil sa suspek hinungdan sa iyahang hinanali nga kamatayon.
Nakuha gikan sa disposisyon ang anaa sa kapin 6.72 gramos nga gituuhang shabu nga nagkantidad og kapin P65,000, lakip na punto 38 revolver nga gigamit sa suspek.
Gipahiluna na sa kabanay ang patayng lawas sa suspek.
via || Bombo LJF
