DAVAO CITY – Ginapangita pa ning kasamtangan ang suspek nga nakapatay sa usa ka singer nga si Mark Ken Suarez Mariscal kinsang na-hit and run niadtong Dominggo bandang alas 2:45 sa kaadlawon, sa Brgy. Cabantian, Buhangin, Davao City.
Sa pakighinabi sa Bombo Radyo Davao ngadto sa station commander sa Buhangin PNP nga si PMaj. Joenel Pederio, ginasubay usab nila ang mga CCTV nga anaa haduol sa insidente.
Duna matud pay mga CCTV sa lugar nga dili klaro ang pagkakuha, apan usa ka saksi ang nakabutyag kanila nga ang naka-hit and run sa biktima, usa ka puti nga sakyanan. Wala sab matino sa CCTV footage ang plate number sa maong sakyanan.
Sigon pa sa opisyal nga ning kasamtangan, ilaha pang ginatigom ang tanang ebidensya ug ipaila kini ngdato sa nakasaksi kung mao ba kini ang gisulayan og para sa witness atol sa insidente.
Saysay pa sa ni Pederio nga hubog ang biktima samtang nakasakay kini sa motor nga gimaneho ni Ruben Borgonia ug mihunong kini aron nga mangihi.
Diin pagnaog sumala pa ni Mark, dili na kini makatindog human sa pag-agi sa maong sakyanan, apan wala kini gipanumbalingan sa nakaligis nga drayber ug diretsyo lang kini og padagan.
Nakig-alayon sa mga otoridad ang usa ka establisyemento nga dunay kuha sa maong footage.
Ning kasamtangan, ginaimbestigahan na sa kapulisan ang maong panghitabo.
via || Bombo KMG, Bombo HJR, Bombo LJF
