DAVAO CITY – Gidangop sa Women and Children Protection Desk sa Sta. Cruz Municipal Police Station ang usa ka menor de edad sa Sta. Cruz, Davao del Sur nga nag-viral sa usa ka video nga gikulata sa grupo sa mga batan-on ang maong babaye.
Gitago ang identity sa maong bikima isip alyas Inday.
Sa maong video, gipakita nga adunay komosyon tali sa usa ka babae nga daw nagbinuang sa iyang karelasyon. Gikumpronta kini sa mga kabatan-onan pinaagi sa paglaparo, patadyak ug pagbira sa buhok sa babaye.
Gikuha na sa Social Welfare Office sa munisipyo ang mga pangalan ug detalye sa mga nalambigit sa maong insidente para ma patawag, ma-interbyu ug makuhaan ug discernment ug interbensyon aron mapasakaan ug kaso nga nahiuyon sa piskalya batok kanila.
Gitambagan sab sa kapulisan nga mupasailawom sa medico legal ang menor de edad nga biktima.
via || Bombo LJF
