DAVAO CITY – Wala na kaipsot sa mga otoridad ang usa ka bar owner nga nasakpang nagpayuhot og ilegal nga droga atol sa gilusad nga joint drug buy-bust operation bandang ala-una sa kaadlawon, kagahapon sa Jacinto Street, Corner Fatima, Barangay 32-D, Poblacion, Davao City.
Giila ang dinakpang si Joey Toledo, 29 anyos, negosyante, ug residente sa maong dapit. Sigun sa report, naglusad og operasyon ang hiniusang pwersa sa Regional Special Enforcement Team sa PDEA 11 uban ang NBI SEMRO, AFP, CIDG 11, ug Talomo Police Station.
Poitibong napalitan sa nagpailang buyer ang suspek og usa ka pakete sa gituohang shabu nga dunay 5 gramos ang gibug-aton ug nagkantidad og P30,000.
Nakuha sab gikan sa dinakpan ang laing pakete sa gidudahang shabu nga nagkantidad og P34,000, lakip na ang .38 nga revolver.
Gipasakahan na og kasong kalapasan sa Republic Act 9165 kon Comprehensive Dangerous Drugs Act of 2002 ug Republic Act 10591 kon Comprehensive Firearms and Ammunition Regulation Act of 2013 ang dinakpan.
via || Bombo LJF
