DAVAO CITY – Gitutukan karon sa Tagum City Police ang kaso sa kamatayon sa 9 anyos nga bata nga si alyas “Mona” nga napalgang patay sa Prk. Durian, Apokon, Tagum City, Davao del Norte niadtong nakalabayng gabii.
Sumala ni PNP Tagum Chief Lt. Col. Edgardo Bernardo, aduna nay silay gitan-aw nga person of interest sa kamatayon sa bata sumala pa sa mga nakasaksi ug sa kuha sa CCTV footage sa lugar diin nahitabo ang krimen.
Pagbutyag pa sa usa sa mga saksi, nagkalapok nga nigawas sa panghitaboan sa krimen ang suspek nga ug giingong dili ilado sa maong lugar.
Nagpaabot og pahasubo si Davao del Norte Vice Governor Oyo Uy sa pagbisita sa haya sa biktima.
Una nang gipasalig ni Goveror Edwin Jubahib nga mapangitaan nila og hustisya ang kamatayon sa bata.
via || Bombo LJF
