DAVAO CITY – Nagpadayon ang imbestigasyon sa Tagum City Police mahitungod sa motibo sa pagpamanhig sa usa ka magtutudlo nga si Mark Aldhrin Daquio.
Sumala sa inisyal nga imbesigasyon sa kapulisan, bandang alas-9:30 sa buntag, niadtong Sabado Santo, nakigkita si Daquio sa usa ka lesbiana nga nagbaligya og motorsiklo kaniya gawas sa kan-anan sa Mabini St., Tagum City, Davao del Norte.
Igo lamang nagtan-aw sa mga papeles sa gipalit niining motor si Daquio dihang miduol kaniya ang usa ka lalaki ug gipusil ang biktima sa ikaduhang higayon.
Nakaikyas dayon ang suspek human sa maong panghitabo. Gitataw sa kapulisan ang anggulong pagpangawat. Sanglit, gisundan sa wa mailhing suspek ang biktima gikan Pantukan, Davao de Oro.
Samtang, nagbangutan karon alang sa hustisya ang tulunghaan nga gitrabahuan ni Daquio, dungan sa pagpadangat og pahasubo ngadto sa pamilya sa napatay nga magtutudlo.
Kasamtangang gihaya ang patayng lawas ni Daquio sa Pantukan, Davao de Oro.
via || Bombo LJF
