DAVAO CITY – Gipalapdan pa sa Police Reginal Office 11 ang ilang pagbantay karong Semana Santa.
Gianunsyo kagahapon ni PRO 11 Regional Director Brigadier General Alden Delvo ang pagdungag og mga securtiy personnel alang sa karong balaang simana.
Gikan sa tres mil, mukabat na sa siyete mil ang ipakatag sa tibuok rehiyon nga gilangkuban sa 3,700 ka mga personahe sa PRO 11; 330 gikan sa BFP ug AFP; ug nasa 3,00 ka mga force multipliers nga magbantay sa 304 ka simbahan, 140 ka mga pantalan, 70 ka mga terminal, ug nasa lapas 290 ka mga convergence areas sa tibuok Davao Region.
Nanghinaot karon si Brigadier General Delvo ngadto sa katawhan nga makigkoordinar alang sa kaluwasan ug kahapsay sa paghinumdom sa Kwaresma.
Nagpahinumdum sab ang PRO 11 ngadto sa katawhan nga magbinantayon kontra sa mga mangingilad ug sa mga kawatan.
Magdala kanunay ug mga ID nga adunay mga kompletong inpormasyon sama sa mga numero nga pweding tawagan sa panahon sa emergency.
Likayan sab ang pagsuot ug mga mahalon nga mga alahas ug magdala lamang ug sakto nga kantidad nga salapi sa matag biyahe.
Importante sab nga sayron ang lokasyon sa pinakaduol nga Public o Police Assistance Desk alang sa oras sa panginahanglan.
via || Bombo LJF
