DAVAO CITY – Sakpan sa mga otordidad ang usa ka negosyante ug duha ka mga kaubanan sulod sa drug den nga malampusong napuhag sa mga otoridad sa Medalla Milagrosa Street, Dumoy, Davao City ning nakalabayng adlaw.
Giila ang mga dinakpan nga sila Robert Rebil, alyas “Bugoy”, 38 anyos; negosyante, ug residente sa susamang dapit. Nasakpan sab nga nag-shabu session ang duha ka mga kaubanan nga giilang sila Jomar Abule ug Jaypee Javate, nagpuyo sab sa maong dapit.
Positibong napalitan og 1 ka gramo sa gidudahang shabu si alyas “Bugoy” sa kantidad nga P6,000.
Nakuha sab gikan sa suspek ang upat pa ka pakete sa gituuhang shabu nga dunay gibug-aton nga 14 gramos ug nagkantidad ug P95,200 ug mga drug paraphernalia.
Detinado karon ang tulo ka mga dinakpan sa Talomo Police Station sa kasong kalapasan sa Republic Act 9165 kon Comprehensive Dangerous Drugs Act of 2002.
via || Bombo LJF
