DAVAO CITY – Libuan ka mga indibidwal, grupo ug ubang sektor ang nagmartsa sa mga kadalanan sa Tagum City sa probinsya sa Davao del Norte tungod sa aron ipanawagan ang pagrespeto sa prangkisa sa Northern Davao Electric Cooperative kon NORDECO.
Ilaha sab nga giprotesta ang upat ka mga sugyot balaudnon nga gisumitar sa House of Representatives nga nagsugyot nga hulipan sa Davao Light and Power Company ang franchise area sa NORDECO gikan Tagum City, Samal Island, Kapalong, Asuncion, San Isidro, New Corella ug Talaingod sa Davao del Norte; ug sa lungsod sa Maco sa Davao de Oro.
Gikanayon ni Edgardo Masongsong, kanhi pangulo sa National Electrification Administration kon NEA nga magsilbi kining usa ka pahimangno sa dos syentos mil ka mga myembro-konsumante sa NORDECO nga dapigan ang ilang gipahingusgan nga protesta alang sa ilang kaayuhan.
Dugang pa sa kasamtangang sekretaryo sa National Center of Electric Cooperative Consumers, Inc., nahimong ideya ni kanhi Pangulong Ferdinand Marcos Sr, ang mga electric cooperatives sa nasud kaniadtong 1969, nga suportado sab sa NEA sa pagpadagan sa rural electrification program.
Nagbahad pa ang nahisgutan sa mga myembro nga kon mahitabo ang DLPC, posibleng dili sila matawag nga myembro sa kooperatiba, sanglit mahulog nga sila ang nag-renta sa gigamit nilang kuryente.
Gipangunahan ang maong protesta sa Coalition Against the Privatization of Electric Cooperatives.
via || Bombo LJF
