DAVAO CITY – Usa ka patayng lawas sa batang babaye ang napalgan sa bungtod nga bahin sa Sitio Lubas, Brgy. Paquibato Proper, Davao City.
Subay sa report, Marso 18, dihang nakadawat ang Paquibato Police og usa ka taho mahitungod sa patayng lawas nga giilang si Katelyn Tomines Tupas, 9 anyos, ug residente sa Purok 5, Sitio Lubas, Brgy. Paquibato.
Sumala sa inisyal nga imbestigasyon, gikatahong nawala sa poder sa iyang lolo ang bata samtang anaa sa Cotabato ang iyang inahan niadtong Marso 17 sa buntag.
Sukad kaniadto, wala na nakit-an ang 9 anyos nga biktima. Nasayran sab sa kapulisan nga gipatay ang suspek sa iyaha mismong ig-agaw nga giilang si Anecito Abejuela Tupas Jr., 31 anyos, minyo, ug residente sa susamang dapit.
Sa ekslusibong pakighinabi sa Bombo Radyo Davao kang PMAJ Joenel Pederio, station commander sa Paquibato Police, iyang gikanayon nga dunay sakit sa pang-isip ang suspek og dugay nang gireklamo nga nagapanguha og pribadong panabton sa lugar.
Gikumpirma sab sa hepe nga posibleng nahilabtan sa suspek ang bata una pa siya gipatay, apan nagpadayong pang ginaberipika kini pinaagi sa autopsy sa patayng lawas ni Katelyn.
Gipahiluna na ang patayng lawas sa bikym sa usa ka punerarya, samtang posibleng mag-atubang og kasong qualified statutory rape ug murder ang suspek.
Nagpadayon gihapon ang imbestigasyon sa kapulisan mahitungod sa kamatayon ni Katelyn.
via || Bombo LJF
