DAVAO CITY – Kabsan gilayon sa kinabuhi ang usa ka 10 anyos nga bata human nga nadasmagan ang gisakyan niining motorsiklo sa usa ka dump truck sa Madaum, Tagum City kaganihang buntag.
Giila ang batang biktima nga si Jancris Oca, 10 anyos ug residente sa Apokon, Tagum City.
Sa maong panghitabo, angol sab ang amahan niini nga giilang si Jeromy Oca nga maoy nagmaneho sa motorsiklo.
Subay sa gipahigayong imbestigasyon sa kapulisan, nasayran nga samtang naglawig sa kadalanan ang gisakyang motor sa mag-amahan, kalit lamang silang gibanggaan og dump truck.
Nasayran sab nga ang maong dump truck ang nagsubay sa sayop nga dalan gumikan misugat kini sa lane kung asa nagsubay ang motorsiklo.
Sa kakusog sa impact, nalagpot ang bata dayun napasok sa ligid sa nahisgutang truck.
Dead on the spot ang nahisgutan samtang ang amahan niini ang daling gidala sa balay-tambalanan alang sa hinanaling pagtambal.
via || Bombo AFS
