DAVAO CITY – Sa prisohan na naabtan ug bag-ong tuig ang usa ka motoristang lalaki human kini nakuhaan ug mga kontrabando sa Task Force Davao checkpoint sa may Brgy. Lasang, Bunawan, Davao City kagahapon sa kaadlawon.
Giila ang dinakpan nga si Roland Manangki Marigaton, 48 anyos, residente sa Purok Mangga, Bincungan, Tagum City.
Nakumpiska gikan kang Marigaton ang usa ka balot sa gituohang shabu nga gibana-banang nagkantidad ug dul-ang nasa P3,000.
Lakip sa nakuha gikan sa iyang disposisyon ang usa ka kalibre .45 nga pistola, ug magazine nga nag-unod ug mga buhing bala.
Mag-atubang ang dinakpan ug patong-patong nga kaso sama sa Republic Act 9165 kon Comprehensive Dangerous Drugs Act of 2002 ug Republic Act 10591 kon Comprehensive Firearms and Ammunition Regulation Act.
Si Marigaton ang pinakaunang nasikop sa mga personahe sa Task Force Davao atol sa pagsugat sa bag-ong tuig.
via || Bombo LJF
