DAVAO CITY – Nagsugod na ang COMELEC 11 og pagdawat sa mga bag-ong botante alang sa Barangay ug Sangguniang Kabataan Elections nga ipahigayon sa ulahing bahin sa tuig 2023.
Gidagsang kagahapon sa mga bag-ong botante gikan 18 anyos pataas atol sa subling pag-abli sa voter’s registration ang mga district offices sa COMELEC Davao City sa may Magsaysay Park, ning dakbayan.
Matud pa sa buhatan, anaa sa 362,538 ang narehistrong aplikante sa 1st district, 11,151 sa 2nd district ug 293,035 sa 3rd district.
Wala pa gipatuman ang register anywhere project tungod ang tanan aplikante sa mismong buhatan matud pa tanan miadto aron nga marehistro apan og galing muhangyo ang mga kapitan nga magmuntar og satellite registration office, tagaan silag mga personahe aron maoy manguna sa pagparehistro aron di na usab malisdan ang mga nakapuyo sa lagyong dapit.
Apan giawhag nila gihapon ang mga kabatan-onan nga pahimuslan ang higayon aron makaboto sa piniliay puhon. Abli kanunay ang buhatan gikan gikan 8 sa buntag hangtod ala 5 sa hapon.
Lunes hangtud Sabado. Gikinahanglan sa pagparehistro ang mga valid proof of identification sama sa physical o print copy sa PhilSys National ID, Passport, Driver’s license, Employment ID, Student ID o library card nga pirmado sa eskwelahan, kolehiyo o unibersidad, Senior Citizens ID, PWD ID, Indigenous Peoples Certificate gikan sa National Commission on Indigenous Peoples ug notarized Barangay Certification nga adunay hulagway ug pirma sa magparehistro.
Samtang sa mga nagedad og 18 anyos paubos, gikinahanglan lamang nga magdala og birth certificate.
via || Bombo DDB & Bombo LJF
