DAVAO CITY – Nagtambayayong ang City Government of Davao ug Davao City Water District aron atubangon ang mga problema mahitungod sa dili saktong paglabay ug tubig ngadto sa mga kanal pinaagi sa Septage Management Program.
Sakop sa maong programa ang pagkuha sa hugaw nga tubig gikan sa mga kabalayan kausa sa matag lima ka tuig, ang pagpalimpo sa tubig sa usa ka Septage Treatment Plant, ug ang husto nga paglabay sa basura ug biosolids.
Gikanayon sa tigpamaba sa DCWD nga si Jovana Duhaylungsod, nanukad na ang buhatan sa ilang educational campaign sa matag barangay ilabi na sa pagpatuman og saktong septage practices.
Magpatuman sab ug survey sa mga kabalayan sa Barangay Cabantian, Indangan, Panacan, ug Sasa.
Magsugod na sa operasyon ang labing unang septic treatment plant sa dakbayan sa Indangan karong ikatulonh bahin sa tuig 2023.
Sa pikas bahin, gikumpirma sa DCWD nga nakatala na ug kapin 240 ka mga scheduled interruptions ug kapin 1,000 emergency water service interruptions.
Gumikan sa kadaghan sa temporaryong paghunong sa suplay sa tubig karong tuiga, alang sab kini sa pagpangandam sa gikahinamang bulk water supply project diri sa dakbayan.
via || Bombo LJ Florendo
