DAVAO CITY – Nagsaulog sa iyang adlawng natawhan si Senator Imee Marcos diri sa Davao City.
Niadtong Sabado, Nobyembre 12, nakauban niya si kanhi Davao City Mayor ug Vice President Sara Duterte sa pagpangapud-apud sa og mga certificates of Land Ownership Award o CLOA ug Computerized titles sa Department of Agrarian Reform alang sa mga mag-uuma sa Davao Region.
Muabot sa 135 ka mga benepisyaro ang nahatagan og CLOA sa Davao De Oro, samtang 2,638 ang nahatagan og Computerized Titles gikan sa nga nagkalain-laing lugar sa rehiyon.
Human niana, mibisita si Senator Marcos sa mga kaigsuonang Muslim sa Barangay 19-B ning dakbayan alang sa pakaon.
Pagkagabii, napuno sa dagkong mga personalidad ug pulitiko ang nahimong pagsaulog sa ika-67 nga adlawng natawahan sa senadora nga gipahigayon sa usa ka dagkong hotel sa Lanang, ning syudad.
Nisalmot sa selebrasyon sila Vice President Inday Sara Duterte, Sen. Christopher Bong Go, Davao Oriental Governor Corazon Malanyaon ug Pastor Apollo C. Quiboloy.
Nagpadangat sab ug mensahe si kanhi presidente Rodrigo Duterte kang Senator Marcos diin gipamulong ni Digong sa senadora nga iyang amumahon ang nasud.
via || Bombo Hana Rallos & Bombo LJ Florendo
