DAVAO CITY – Pakusgan pa sa Philippine Drug Enforcement Agency 11 ang ilang kampanya kontra ilegal nga droga pinaagi sa paghatag ug education campaigns sa mga tulunghaan sa tibuok rehiyon.
Gikanayon ni PDEA 11 Informatuon Officer Noli Dimaandal nga nanukad na sila sa pagpahigayon ug educational lectures sa Bolton Elementary School ug Ceasario Villa Abrille Elementary School niadtong Nobyembre 3.
Kapin 41 ka mga room to room lectures na ang ilang gilusad sukad miaging simana nga mas haom ug conducive nga pamaagi sa paghatag ug diskusyon mahitungod sa drug abuse kon itandi sa syposium type nga mga pakighinabi sa mga magtutuon.
Nakigkoordina sab ang buhatan sa mga interns sa college of criminal justice law education sa University of Mindanao ug uban pang mga iskewlahan alang sa maong diskusyon.
Laraw sa buhatan nga mapadayag ang mga dautang epekto sa ginabawal nga droga ug ang katugbang nga mga silot ilawom sa Republic Act 9165 kon Comprehensive Dangerous Drugs Act of 2002.
Sigun sa datos sa buhatan, 49 ka mga menor de edad ang gituohang nalambigit sa ilegal nga droga nga na-rescue atol sa buy-bust operations gikan Enero hangtud Oktubre ning tuiga.
via || Bombo LJ Florendo
