DAVAO CITY – Gipaniguro sa Davao City Police Office nga walay natalang mga insidente karong Kalag-kalag apan gipanghinaot sa kapulisan ang suporta ug tabang sa mga Dabawenyo alang sa kalampusan sa ilang pagbantay sa segurdad karong panahuna.
Gikabutyag ni Police Major Catherine Dela Rey nga anaa sa 70% sa kapulisan sa DCPO o gibana-banaang kapin 2,700 ka mga pulis ang gipangdeploy sa mga sementeryo, terminal, malls, tourist spots, chekpoints ug alang sa crowd security, samtang 30% ang gitagana nga mga reserves alang sa dugang pwersa.
Nagsugod na sa pag-deploy ang kapulisan sa mga sementeryo nga mulungtad hangtud Nobyembre 4, ug matud pa dili nila ipa-pull out hangtud daghan gihapong tawo ang muduaw sa ilang mga mipanaw na.
Nagpahibalo sab ang tigpamaba sa DCPO nga sugurohong luwas batok sa mga kriminal ang mga kabalayan una pa man mubiya ngadto na sa mga nagkandaiyang destinasyon.
Sa pikas bahin, gipakatag na sab ang mga nasa 14,000 ka mga personahe sa Public Safety and Security Command Center nga ipakatag sa mga sementeryo sa tibuok dakbayan nga nanukad na sa pagbantay niadtong Oktubre 30 hangtud Nobyembre 3.
via || Bombo LJ Florendo
