DAVAO CITY – Pahingusgan pa sa 10th Infantry Division ang ilang depensa batok sa posibleng pagbalik sa mga rebeldeng grupo sa Davao Region.
Sumala sa tigpamaba sa 10ID nga si Captain Mark Anthony Tito, posibleng mahitabo ang pagpabuhi sa communist terrorist groups tungod sab sa mga isyu sa katilingban.
Dugang pa ni Captain Tito, ang pagpakusog sa ilang Integrated Territorial Defense System ang magpahilayo sa katawhan nga maawhag sa mga rebeldeng grupo aron batukan ang gobyerno.
Dugang pa, dili muhunong ang mga rebelde sa tumong nga dauton ang panggamhanan. Lakip sa ilang laraw nga pakusgan ang mga pwersa sa mga organisasyon, mga CAFGU ug kanhi rebelde.
Gamiton gihapon sa kapulisan ang whole-nation approach aon batukan ang mga communist terrorist groups sama sa Barangay Development Program ilawom sa National Task Force ELCAC kon End Local Communist Armed Conflict.
Kahinumdumang gideklara sa Regional Peace and Order Council Committee ang pagka-insurgency free sa tibuok Davao Region karung bulan human sa malampusong pagpakgang sa mga pwersa sa militar batok sa mga rebeldeng grupo.
via || Bombo LJ Florendo
