-- ADVERTISEMENT --
DAVAO CITY- Kapin kun kulang P2-milyon nga kantidad sa gituohang shabu ang nasakmit sa kapulisan sa Toril police Station sa gipahigayon nga drug-buy-bust operation sa Purok 14 Crossing Bayabas Ave, Toril, Davao City.
Ang dinakpan giilang si Romil Nadela Quilo kinsa gikonsiderang Top 5 High-Value Individual, Regional Level.
Nakuha gikan sa posisyon sa dinakpan ang 136.43 grams sa gituohang shabu ug adunay gibana-banang kantidad nga P2,448,000.00.
Sa pagkakaron, gihikay na ang kasong paglapas sa RA 9165 o Comprehensive Dangerous Drugs Act of 2002 nga ipasaka batok sa dinakpan.
