DAVAO CITY – Duha ka batang estudyante ang nakahiagum ug tumang pagka-trauma human nga gikatahong nabanggaan og motorsiklo samtang mitabok sa pedestrian lane padulong sa eskwelahan sa AFPLC Elementary School sa may Panacan, ning syudad, kagahapon sa buntag.
Dali-dali dayon gitabang sa katawhan ang mga bata nga mupadulong unta sa tulonghaan alang sa ilang klase niadtong taknaa.
Gikumpirma sa hepe sa Sasa Police Station nga si Commander Police Major Jake Goles nga mitahan na ang wa mailhing drayber sa motorsiklo nga nakaligis sa mga batang estudyante.
Gipanghimakak sab sa hepe nga usa kini ka insidente sa hit and run.
Ang drayber mismo ang nitubag sa tanang galastuhon sa pagpanambal sa mga bata sa ospital.
Kahinumdumang nagpahibalo si Mayor Sebastian Duterte ngadto sa mga drayber mahitungod sa pahatag ug respeto sa mga nagagamit ug pedestrial lanes diri sa syudad.
VIA || Bombo LJ Florendo
