-- ADVERTISEMENT --
DAVAO CITY – Arestado ang usa ka High Value Individual (HVI) sa gipahigayong buy-bust operation sa Brgy. Buhangin, Davao City.
Nakuha sa mga sakop sa Special Operation Group/City Drug Enforcement Unit, PDEA 11 ug Buhangin Police ang anaa sa kapin P825,000 nga kantidad sa gituohang shabu gikan kang Alyas Jovencio, 35 anyos, lumulupyo sa Purok Molave, Nueva Estrella, Pantukan, Davao de Oro.
Sumala pa sa hepe sa SOG/CDEU nga si Police Major Reuben Libera, usa ka Top 6 High Value Individual sa regional level ang nahisgutang suspek.
Anaa sa kustodiya sa kapulisan si Alyas Jovencio nga pasakaan og kasong pagsupak sa Republic Act 9165 kon Comprehensive Dangerous Drugs Act of 2002.
Via || LJ Florendo
-- ADVERTISEMENT --
