DAVAO CITY – Malampusong nasikop sa kapulisan sa Kapalong Davao Del Norte ang usa ka senior citizen gumikan sa kasong Act of Lasciviousness sa Purok 6, New Agno, Barangay Mabantao, Kapalong, Davao del Norte kaniadtong milabay nga adlaw.
Giila ni PMaj. Raul Lucas, Chief of Police sa Kapalong Municipal Police Station, ang suspek nga si alyas Mateo, 67 anyos, residente sa Purok 5, Camp Victa, Barangay Mabantao, Kapalong, Davao del Norte kinsa giila sab nga Most Wanted Person sa Municipal Level.
Sumala kang PMaj Lucas, arestado ang dinakpan human sa gipahigayon nga hiniusang manhunt charlie operation sa mga sakop sa Kapalong MPS kauban ang Davao del Norte Provincial Intelligence Unit.
Muabot sa Php 180,000 ang girekomendang pyansa ngadto sa suspek.
Sa kasamtangan, gikustodiya na ang suspek sa nasangpit nga istasyon alang sa tukmang disposisyon.
Samtang, gidayeg sab ni PBGen Benjamin Silo Jr., PRO XI Regional director ang maong oeprasyon tungod malampuson niining nadakop ang usa ka Most Wanted Person ug sa tinuoray nga serbisyo niini alang sa publiko.
Via || Hana Rallos
