DAVAO CITY – Arestado ang duha ka indibidwal human nasikop sa otoridad nga naghupot og iligal nga druga.
Giila ni PLTCOL JAY G DEMA-ALA, Acting Chief of Police, ang mga suspect nga si alyas “Toto” , 31 anyos, ulitawo, walay trabaho, ug residente sa Purok 4-poblacion , Municipality of Compostela, Davao De Oro.
Narekober gikan sa suspek ang usa ka improvised tooter ug usa ka sling bag.
Samtang dakpan sab ang usa ka babaye nga si alyas “Telma”, 50 anyos , byuda, walay trabaho, ug residente sa Purok- 2 poblacion sa nahisgutang probinsya.
Narekober gikan sa nahisgutan ang usa ka elongated sachet nga adunay unod sa gikatahapang shabu , tulo ka improvised tooter ug usa ka shoulder bag.
Nadakpan ang nahisgutan gumikan wala matud pa kini nagsul-ob og standard crash helmet ug mas labaw nga gisuspetsahan kini sa kapulisan gumikan gipaspasan niini ang pagmaneho sa iyang motorsiklo hinungdan nga gidakop kini.
Nasakmit ang mga drug parephernalia human naghimo og body search ang kapulisan sa mga suspek.
Ang nakompiska nga mga ebidensya gibana-banaang mobalar og Php 4,080.00 ug mutimbag sab og 0.60 gramos.
Samtang gipahimangnoan sa Philippine National Police ang publiko nga likayan ang bisan unsang iligal nga aktibidad aron malikayan ang silot.
Via || Hana Rallos
