DAVAO CITY – Arestado ang usa ka empleyado sa Davao City Environment and Natural Resources Office (CENRO) atol sa gilusad nga drug buy bust operation sa mga sakop sa Sasa police station sa Solid St., Brgy. Lapu-lapu, Agdao, Davao City.
Giila ni PMaj. Jose Rodrigo Mendoza, Station Commander sa Sasa PNP ang suspek nga si John Allin Tomale Felicia alyas “BOSS”, 30-anyos, residente sa #166 Mamsa Street sa nasangpit nga barangay.
Narekober gikan sa kamot sa suspek ang gituohang shabu nga mutimbang og kapin kun kulang 0.16 grams ug gibana-banaang adunay street market value nga Php1,500 ug marked money nga gigamit sa operasyon.
Ning kasamtangan, anaa na sa kustodiya sa Sasa Police Station ang dinakpan ug kasong kalapasan sa Republic Act 9165 o Comprehensive Dangerous Drugs Act of 2002 ang atubangon niini.
Via || Hana Rallos
