DAVAO CITY – Gihangyo karon sa pamilya ni Amierkhan Mangacop nga dili na mangilabot ang San Pedro Police Station ug ang Police Regional Office 11 alang sa patas nga imbestigasyon.
Gihangyo usab sa pamilya nga ibalhin na sa National Bureau of Investigation (NBI) โ Davao Region ang pagpahigayon og imbestigasyon ug ang pagpasaka og kaso apil na kadtong naa sa posisyon sa PNP Davao Cybercrime Unit for Forensic.
Sa sulat nga gipirmahan sa legal counsel sa pamilyang Mangacop nga si Atty. Andrew Cabahug alang sa Regional Director sa NBI 11 nga si Jonathan Balite, Atty. Jhopee Avancena, chief sa City Prosecution Office, ug Atty. Joy Tala Montero, Inquest Prosecutor sa City Prosecution Office, tumong sa hangyo niini nga masiguro nga mahatag ang due process ug ang equal protection ngadto sa pamilya lakip na ang patas ug tukmang imbestigasyon sa kaso.
Ang hangyo sa pamilya ang resulta sa na-una nang gipagawas nga pahayag ngadto sa media ni San Pedro Police Station commander Police Major Benkalin Baluan nga gikulata sa biktima nga si Amierkhan Mangacop ang suspect nga si Dr. Marvin Rey Andrew Roflo Pepino, PNP Non-Uniformed Personnel sa PRO 11, hinungdan nga iya kining gipusil isip self defense.
Lakip na usab niini ang nahimong pahayag ni Davao City Police Director Police Col. Alberto Lupaz ngadto sa media nga si Pepino ang usaka professional ug maayong tawo ug walay bisan unsa mang derogatory record.
Nagduha-duha usab sumala pa ang pamilya nga ihatag ngadto sa kapulisan ang pangalan sa mga witnesses ug pipila ka mga ebidensiya gumikan sa kahadlok nga mahitabo ang whitewash.
Samtang, gisugdan na usab sa City Prosecutorโs Office ang preliminary investigation niini batok kang Pepino.
Via || Angie Chagas
