DAVAO CITY – Nadakpan ang upat ka mga mananagat nga nagpahigayon og illegal fishing sa kadagatan sa Barangay Leling, Hagonoy, Davao del Sur
Naglusad og Anti-Illegal Fishing Operation ang lokal nga kagamhanan sa Hagonoy uban ang mga sakop sa Hagonoy Municipal Police Station ug ang Bureau of Fisheries and Aquatic Resources diin nasikop ang upat ka lalaki nga mga residente sab sa maong lugar.
Nakuha gikan sa mga suspek ang pito ka kilo sa mga managlahing klase sa isda, pino nga mga pukot nga gigamit sa iligal nga pangisda ug ang ilahang bangka.
Anaa na karon sa kustodiya sa kapulisan ang mga suspek nga pasakahan og kasong paglapas sa Municipal Ordinance Number 1 series of 2016 nga nagbawal sa paggamit og pukot sa pagpangisda sa kadagatan sa syudad sa Hagonoy.
Via || LJ Florendo
