DAVAO CITY – Makig-alayon na ang Davao City Police Office sa mga bar owners alang sa mas strikto nga seguridad nga ipatuman sa mga establisyemento atol sa nahitabong shootout niadtong weekend.
Gikanayon ni DCPO chief Colonel Alberto Lupaz nga ipahigayon ang Standard Operating Procedure diin susihon sa ilang mga security personnel ang mga customer nga nagasulod sa establisyemento.
Pananglitan adunay dalang pusil ang kustomer, kinahanglan kining isurender usa pa makasulod.
Ipahigayon kini atol sa nahitabong insidente sa usa ka night club nga gikamaty ni Amir Pulanon Mangacop, usa ka 21 anyos nga lalaki, human gipusil patay kini sa usa ka doktor ug non-uniform personnel gikan sa DCPO nga si Marvin Rey Andrew Roflo Pepino nga anaa na sa kustodiya sa San Pedro Police Station aron atubangon ang mga gipasakang kaso.
Gisiguro sab sa DCPO nga ginatutukan sa pagkakaron ang maong insidente.
Via || LJ Florendo
