DAVAO CITY – Dakpan sa mga sakop sa San Isidro Municipal Police Station ang usa ka lalaki nga dugay ng gipangita sa otoridad.
Pinasikad sa gipagula nga warrant of arrest tungod sa kasong Homicide sa RTC Branch 17, Kidapawan City, Cotabato nga gilagdaan ni Hon. Arvin Saridi Balagot/ Presiding Judge nga adunay petsa nga August 22, 2014, nasikop sa mga sakop sa San Isidro PNP inabagan sa Panabo City Police Station ug personshe sa Tulunan Municipal Police Station, North Cotabato ang suspek nga si Eddie Sumido LLagas, 38 anyos, self employed, kasamtangan nga nanimuyo sa Purok 6 Ginteles, New Visayan, Panabo City, Davao del Norte.
Gikanayong dugay na nga gipangita ang nahisgutan gumikan sa gi-atubang niini nga kaso.
Makagawas sa presohan ang dinakpan kung makaduso kini ug piyansa nga kantidad sa P40, 000.00.
Sa kasamtangan, gikustodiya sa nahisgutan nga estayon ang suspek alang sa tukma nga disposisyon.
