DAVAO CITY – Gi-angkon sa kanhi miyembro sa Communist Party of the Philippines – New People’s Army (CPP-NPA) nga nag-operate sa Davao de Oro nga laraw sumala pa nila nga awhagon ang mga mamumuo sa mga dagkung korporasyon nga makighiusa sa Communist Party of the Philippines-New People’s Army (CPP-NPA).
Sumala pa kang Arman Blase, kanhi tigpamaba sa Kilusang Mayo Uno (KMU) Southern Mindanao, nga nag-unang tumong matud pa sa ilang grupo mao ang pagmugna ug labor unions.
Gikanayong obserbahan una nila ug pangutan-on ang ilang mga isyu ayha nila kining himuon nga radikal.
Sa higayon nga mubati na ug kalagot ang mga empleyado, maglusad na dayon sila ug mga lihok protesta.
Gi-angkon ni Blasé nga nagsugod siya isip full-time member sa KMU sa 2008 apan nahimong aktibo na niini ang CPP-NPA sayo pa sa tuig 1997.
Gani ang ila sumala pang mga recruited members sa labor unions ang mupartisipar sab sa extortion activities sa uban nga areas.
Pipila sumala pa sa mga dagkong korporasyon nsa probinsiya nga nakadawat ug extortion demands ang gilangkuban sa Lapanday Foods Corporation, mga grower, supplier, ug exporter sa farm-fresh bananas ug mga pinya ngadto sa international markets.
