DAVAO CITY – Dakung kantidad ang gihatud sa nahitabong sunog sa Corner Sobrecary Street ug Mabini Street, Tagum City pasado alas 3:45 sa hapon kagahapon nga miabot pa sa ikaduhang alarma.
Sa gipahigayon nga imbestigasyon nga otoridad, nanukad ang sunog sa GS Lying-In Center ug OB-Gyne Clinic hatud sa nag-overheat nga ceiling fan hinungdan nga paspas nga mikatag ang kalayo ngayon sa mga kasikbit nga establisyemento sa lugar.
Kalakip sab sa gilamoy ang HANS Pharmacy ug ang Suaybaguio and Associate Law Office. Sa pagbana-bana sa ka-bomberohan, anaa sa P3 milyones nga kantidad ang ilang natala nga danyos sa sunog.
Halos milungtad ug duruha ka oras ang pag-ulbo sa sunog diin gideklara kini nga fire under control pasado 5:30 sa hapon apan milungtad ug pasado alas nuebe sa gabie ang overhauling ang mga sakop sa bombero.
Hinuon wala sumala pay natala nga casualty ang otoridad human ang insidente.
Nanawagan na lamang ang kabomberohan sa mga nanag-iya ug establisyemento nga kanunay i-check ang linya sa kuryente ingon dili biyaan ang mga butang nga posibleng tinubdan sa sunog sama na lamang sa mga nakasaksak nga mga appliances, napasagdan nga mga nilung-ag ug daghanan pa.
