DAVAO CITY – Gikanayon sa Land Transportation Office Davao Region (LTO-11) nga wala pa silay nasikop nga motorista sa rehiyon nga migamit ug illegally-produced driving license bisan nga adunay pipila ka mga residente sa uban nga rehiyon ang masikop gumikan sa paggamit ug peke ng lisensiya.
Sumala pa kang LTO-11 Law Enforcement Division chief Thomas Edward Roales, hugtanon nga gipatuman ang Republic Act 10930 ug guidelines sa Anti-Red Tape Authority.
Gikanayong tumong sa Republic Act 10930 nga mapalig-on ang mga polisiya sa driver’s licenses ilabi na nga gilugwayan na sab ang validity niini sulod sa pipila ka mga katuigan.
Dili sumala pa magpanuko ang otoridad nga muduso ug reklamo sa mga nalambigit sa illegal nga aktibidad sama na lamang sa paghimong peke nga lisensiya.
Sa milabay sumala pa nga tuig, anaa sa 300 ang ilang nakumpiskang fake driver’s licenses sa Davao Region diin nakuha sumala pa kini sa mga dinakpan bisan nga wala mikuha ug mga lisensiya sama sa biometrics, pamatuod nga nakapasar kini sa practical driving course, ug medical certificates.
Gikan sumala pa ang mga illegal licenses sa mga kasikbit nga rehiyon apan wala na kini mihatag pa ug dugang nga detalye.
Tanan nga mga nakumpiskang peke nga lisensiya ang girekomenda alang sa revocation gikan sa LTO regional offices.
Una na sab nga gibutyag ni LTO Assistant Secretary Edgar Galvante nga ang LTO nagmentina sa ilang paspas ug maayo nga proseso sa driver’s license application hinungdan nga gipahimangnoan niini ang mga aplikante nga dili muadto sa usa ka indibidwal nga mutanyag ug serbisyo sa pagkuha ug lisensiya bugti sa bayad nga PHP4,500.
