DAVAO CITY – Padayon karon nga nakatala ang kapulisan ug mga indibidwal nga masikupakon kini human nga ubay-ubay na sab ang na-isyuhan ug citation tickets gumikan lamang kay wala gitarung pagsuot ang ilang facemask.
Kahinumduman nga anaa sa halos 60 ang nasikop sa nahisgutan nga kalapasan sukad nga gi-ablihan ang Roxas Night Market usa ka semana na ang milabay.
Una ng gibutyag ni DCPO Spokesperson P/Maj. Ma. Teresita Gaspan, nga hugtanon gipatuman sa tanan nga mga security clusters ang striktong pagsunod sa publiko sa minimum pubic health standards, kalakip ang pagsuot og face make aron masiguro nga makalikay pa gihapon sa pagtakod-takud sa kagaw bisan nga mas lu-ag na ang mga restrictions.
Dugang niini, nga naka full-force ang DCPO kaabag ang task Force Davao, CSU auxillary ug uban pang counterparts bisan ang PDEA ang nakatutok sab sa Roxas Night market.
Sa pikas nga bahin, gipahinumduman sab sa Business Bureau ang mga business establishments, kalakip ang mga bars ug restaurants nga required ang pag-suot og face masks sa tanang staff ug customers gawas lamang kung mukaon o muinom kini.
Gikanayon ni Business Bureau Head Maribel Paguican, nga mumulta og Php 500 hangtud Php 5000 o usa ka bulan nga pagkabilango sa dili pag-suot og face mask.
Mipahinumdum sab kini sa tanang Dabawenyos, ilabi na sa mga ga-adto sa sa crowded areas nga kanunay magsul-ob og face mask taliwala sa pagtangtang sa pipila ka mga restrikyon sa siyudad.
