DAVAO CITY – Gikanayon ni Public Safety and Security Command Center (PSSCC) Angel Sumagaysay nga anaa sumala pa sa “orderly and manageable,” ang dagan karun sa Roxas Night Market pipila ka adlaw sukad kini nga gi-ablihan pagbalik.
Sumala kang Sumagaysay, nakadawat sila ug maayo nga feedback gikan sa market-goers gumikan kay hapsay kini ug hugot ang gipatuman nga seguridad.
Nasayran nga anaa sa 200 ka mga sundalo, kapulisan ug miyembro sa civilian security unit ang gipakatag aron nga magpatuman ug seguridad sa bisinidad.
Samtang gikanayon sab ni Task Force Davao (TFD) commander Col. Darren Comia nga hugtanon ang gipatuman nga mga sumbanan aron nga malikayan nga dili na mabalik ang Sept. 2, 2016 bombing nga mikalas ug ubay-ubay ka mga kinabuhi.
Ang pag-abli sa night market usa ka pamaagi aron nga hinay-hinay nga makangon ang ekonomiya sa dakbayan nga grabeng naapektohan sa halos tulo ka tuig nga epekto sa Covid-19 pandemic.
