DAVAO CITY – Mihatag og katin-awan si Davao City Mayor Inday Sara Duterte-Carpio kalabot karon sa mikatag nga hulagway ni Pangulong Rodrigo Duterte nga nakig-selfie sa pipila ka mga healthcare workers.
Sumala sa Mayor nga kaniadtong Marso 2017 pa ang maong hulagway sa pangulo dihang mibisita kini sa usa ka private hospital dihang gihimugso ang iyang anak nga si Stonefish.
Gitataw sa Mayor nga usa ka malisyoso ang maong picture aron lamang maglagot ang publiko sa Pangulo ug sa mga healthcare workers dungan sa pagpadayon nga paningkamut batok sa pagkuyanap sa makamatay nga Covid-19 infection.
Ang pag-gamit sumala pa sa maong mga hulagway nagpakita lamang og desperation sa anti-Duterte groups.
Pagpakita sumala pa kini og kawad-ong ug respeto sa mga sakripisyo sa mga healthcare workers nga makonsiderang mga frontlines.
Wala sumala pa’y pulos ang susama nga political attack karong panahon nga nakasinate ang nasod og health crisis.
