DAVAO CITY – Nakurat sumala pa ang Commission on Elections (Comelec) Davao sa pagdagsa sa mga senior citizens gikan sa nagkadaiyang dapit sa siyudad bisan nga natapos na ang barangay elections registration kaniadtong Setyembre 30.
Sumala pa kang Comelec-Davao spokesperson Krisna Caballero nga pipila sa mga tigulang ang nangayo sa ilang voter’s certification gumikan kay usa sumala pa kini sa mga rekisitos sa gisugyot nga ordinansa diin ang mga kwalipikado nga mga tigulang nga nanimuyo sa siyudad ang makadawat ug tinuig nga financial aid nga kantidad sa P3,000.
Una ng gipahibalo kini ni konsehal Wilberto Al-ag nga plano sa lokal nga panggamhanan nga hatagan ug annual pension ang senior citizens isip counterpart sa Department of Social Welfare and Development’s (DSWD) nga P6,000 nga pension matag tuig.
Gitataw ni Caballero nga wala siya’y kasayuran kalabot sa pagduso sa nahisgutan nga ordinansa hangtud nga personal nga mibisita sa ilang buhatan sila si Konsehal Ralph Abella ug Al-ag aron nga makighinabi sa mga tigulang.
Gitino ni Al-ag nga ang maong sugyot ang anaa pa sa second reading ug wala pa kini naaprubahan.
Samtang gikanayon sab ni Caballero nga kung sayo lamang sila gipahibalo nga kinahanglan mokuha ang mga senior citizens ug voter’s certification sa ilang buhatan, mamahimong makaandam gilayon sila ug daling makiglambigit sa police ug Central 911 bisan sa mga medic.
