DAVAO CITY – Mihatag ug katin-awan ang ahensiya sa Department of Interior and Local Government (DILG) 11 nga ang mga Local Government Unit (LGUs) pa gihapon ang modesisyon kung kinahanglan na ba nga tangtangon ang gipatuman nga temporaryong pag-ban sa mga processed meat products nga mosulod sa usa ka lugar kini human ang outbreak sa African Swine Fever (ASF) sa pipila ka bahin sa Luzon.
Sumala pa kang DILG Regional Director Alex Roldan, nga nagpagula lamang ang DILG ug memo nga mihangyo sa mga LGUs nga tangtangon na ang temporaryo nga pag-ban sa pagpasulod ug mga baboy ug karneng baboy apan dili pa gihapon sila makabuot kung unsa ang mamahimong desisyon sa mga LGUs ilabi na kung gipatuman lamang nila kini alang sa kaluwasan sa hog industry nga anaa sa ilang tagsa-tagsa ka mga lugar.
Kahinumduman nga lakip ang dakbayan sa Davao sa pipila ka mga siyudad sa nasod ang hugtanon nga nagdili sa pagpasulod sa mga processed og meat products ilabi na kadtong gikan sa Luzon.
